ილიას სახელმწიფო უნივერსიტეტი აშშ-ის საელჩოს დაფინანსებით განახორციელებს პროექტს ,,საბჭოთა მეხსიერება: ნოსტალგიისა და რუსული ისტორიის გადასინჯვა/გააზრება ფაქტებზე დაყრდნობით“.

ორწლიანი პროექტი, თავისი მიზნებიდან და ამოცანებიდან გამომდინარე, ერთ სივრცეში მოუყრის თავს ადგილობრივ და საერთაშორისო ინსტიტუციებს, არასამთავრობო ორგანიზაციებს, ჰარვარდის უნივერსიტეტს, ინფორმაციის თავისუფლების განვითარების ინსტიტუტს, ქართული ლიტერატურის მუზეუმს, საბჭოთა წარსული კვლევის ლაბორატორიას, საქართველოს პრესცენტრს, ილიაუნის მეხსიერების კვლევების ცენტრს, მწერალთა სახლსა და საქართველოს ეროვნულ ფონდს და უზრუნველყოფს აღნიშნული ორგანიზაციების მჭიდრო თანამშრომლობას.

პარტნიორების თანამშრომლობის შედეგად ინფორმაცია მაქსიმალურად ხელმისაწვდომი გახდება; უგულებელყოფილი იქნება აქამდე არსებული ცრუ ნარატივები, შეგროვდება ზეპირსიტყვიერი ისტორიები; დღის შუქზე გამოვა ამ დრომდე უცნობი ისტორიები და გაძლიერდება სამოქალაქო საზოგადოება. პროექტი, თავის მხრივ, ფაქტებზე დაყრდნობით ხელს შეუწყობს დასავლურ ინტეგრაციას.