პროდუქტების რეკლამა ფილმებში, ალბათ, ბევრს გინახავთ. პროდუქტებზე გადაღებული ფილმი კი გაცილებით იშვიათია. განსაკუთრებით ისეთ პროდუქტებზე, როგორებიც მაკრატელი, ქლიბი, სავარცხელი, საკვნეტელა, მკვნეტარა, პინცეტი და თავის მოვლის სხვა ნივთებია. სხვა სიტყვებით რომ ვთქვათ, იმ ტიპის პროდუქცია, რომელიც უმეტესობას შეიძლება ისე ჰქონდეს სახლში, რომ ბრენდს ყურადღებას არც აქცევდეს. რეალურად კი, არაერთი კრიტერიუმია, რომელიც ამგვარი ნივთების შეძენის დროსაა გასათვალისწინებელი.

ტიტანია თავის მოვლის პროდუქტების გერმანული ბრენდია მრავალფეროვანი, დროგამძლე, მათ შორის, ზოლინგენის ხარისხის უჟანგავი მეტალისგან დამზადებული პროდუქტებით. ამ თვისებების გამოსაკვეთად და პროდუქციის მრავალფეროვნების წარმოსაჩენად პროდუქტის გასაცნობი ტუტორიალების გადაღება აპრობირებული გზაა, თუმცა ტიტანიას კამპანიისთვის კომპანიამ — ტუტორიალების გაფილმება, მათი გმირების გასაცნობად კი ამ ფიქციური ფილმის თრეილერის შექმნა გადაწყვიტა.

ხელისა და ფეხის მოვლის პროდუქტები, მამაკაცის ხაზი, ხისა და სველი თმის სავარცხლები ის ძირითადი მიმართულებებია, რომელიც კამპანიის ფარგლებში პროდუქტების გასაცნობ ხუთ ტუტორიალში გაიშალა.

1. ტიტანიას ხის ზღაპრული სავარცხლები.

2. ტიტანიას მამაკაცის ხაზში ყველაფერია იმისათვის, საკუთარ თავზე თხემით ტერფამდე რომ იზრუნო — სავარცხლით დაწყებული ქუსლის სახეხი პემზით დასრულებული.

3. ხელის მოვლა ზოლინგენის ხარისხით.

4. სველ თმაზე ნებისმიერი სავარცხლის გამოყენებას, მისი სტრუქტურის დაზიანება შეუძლია. სწორედ ამიტომ, სველი თმისთვის ტიტანიას უმაღლესი გერმანული ხარისხის მქონე სავარცხლების სპეციალური ხაზი აქვს - რბილი კბილებითა და მოსახერხებელი დიზაინით.

5. თუკი გადაწყვეტთ, რომ ფეხზე ზრუნვას მიჰყოთ ხელი, ამისათვის ტიტანიას ფეხის მოვლის პროდუქტები საუკეთესო არჩევანია.

თუმცა, ფილმებისგან განსხვავებით, სადაც რეჟისორის ჩანაფიქრი ხშირად შეიძლება მსჯელობის საგნად იქცეს, ტიტანიას ფიქციური ფილმის შემთხვევაში მესიჯი ბევრად ნათელია — თუ გერმანული ხარისხის, გამძლე და მრავალფეროვან თავის მოვლის პროდუქტებს ეძებთ, ტიტანიას ნივთებს თქვენს ცხოვრებაში მნიშვნელოვანი როლის თამაში შეუძლიათ.