დეტალები: ისრაელის პრემიერ-მინისტრმა, განუსაზღვრელი ვადით, საქმიანობა შეუჩერა მინისტრს, რომელმაც ღაზაში ბურთვული იარაღის გამოყენება განიხილა.

  • ამის შესახებ ინფორმაციას ადგილობრივი მედია, The Times of Israel ავრცელებს.
  • მათი ცნობით, მინისტრი მთავრობის შეხვედრებს ვეღარ დაესწრება.

რა ხდება: ისრაელში, მემკვიდრეობის მინისტრმა, ამიჩაი ელიაჰუმ ისაუბრა ღაზაში ატომური ბომბის ჩამოგდების შესაძლებლობაზე.

  • ეს განცხადება მკაცრად გააკრიტიკა პრემიერ-მინისტრმა ნეთანიაჰუმ და თქვა, რომ ელიაჰუს სიტყვები რეალობას მოწყვეტილია.
  • "ისრაელი და IDF მოქმედებენ საერთაშორისო სამართლის უმაღლესი სტანდარტების შესაბამისად, რათა თავი აარიდონ ზიანის მიყენებას უდანაშაულო ადამიანებისადმი", — აღნიშნა ნეთანიაჰუმ.