ცნობილი ქართული სერიალის, ჩემი ცოლის დაქალების, ოფიციალური ფეისბუქგვერდი რაჭაში სტიქიურ უბედურებას ეხმაურება და აცხადებს, რომ სერიალი დღეს, 4 აგვისტოს, ეთერში არ გავა.

"მეგობრებო, როგორც იცით, რაჭაში, შოვში, გუშინ მეწყერმა 6 ადამიანის სიცოცხლე იმსხვერპლა. ვიზიარებთ დაღუპული ადამიანების ოჯახის წევრების და ახლობლების ტკივილს. ამ დროისთვის, კიდევ 35 ადამიანი ითვლება დაკარგულად და მათ მაშველები ეძებენ. ჩემი ცოლის დაქალებს გვინდა, სოლიდარობა გამოვუცხადოთ დაკარგული ადამიანების ახლობლებს და თქვენთან ერთად გვაქვს იმედი, რომ ყველა მათგანს უვნებელს ვიპოვით.

დღეს ფორმულაზე არ გავა ჩვენი სერიები, ხოლო როდის გავა — ამის შესახებ დაზუსტებულ ინფორმაციას მოგვიანებით შეგატყობინებთ", — ვკითხულობთ განცხადებაში.

3 აგვისტოს რაჭაში მეწყერი ჩამოწვა, რასაც მსხვერპლი მოჰყვა. სტიქიის ზონიდან მოქალაქეების გამოყვანა და სამაშველო ოპერაცია გრძელდება. ბოლო ინფორმაციით, 6 ადამიანის გარდაცვალება დასტურდება.

ამავე თემაზე:

ბოლო ცნობები სტიქიის ზონიდან — განახლებადი