ცვალებადი ნიშნები ახალი ქართული სერიალია, რომელიც სტუდენტების ცხოვრებასა და მათ თავგადასავლებზე გვიყვება. სერიალი კავეა პლუსისა და ქართულ-ამერიკული უნივერსიტეტი გაუს თანამშრომლობით შეიქმნა. თუ სტუდენტური ცხოვრება შენთვის საინტერესო თემაა, დიდხანს ლოდინი არ მოგიწევს, რადგან ცვალებადი ნიშნების პრემიერა კავეა პლუსზე 15 ივნისს შედგება.

ცოტა ხნის წინ კავეამ ცვალებადი ნიშნების ახალი ტრეილერი გამოუშვა, რომლითაც პერსონაჟებს უფრო ახლოს ვეცნობით. როგორც ტრეილერში ჩანს, წინ საინტერესო და ჩახლართული ამბები გველოდება. სტუდენტური ცხოვრება, მეგობრობა, კონფლიქტები, მშობლებთან ურთიერთობა, სექსი, თავისუფლება — ეს იმ თემათა მცირე ჩამონათვალია, რომლებიც ახალ სერიალში მაყურებელს წინ ელოდება. ტრეილერის ნახვა კი ამ ბმულზე შეგიძლია.

ფოტო: Cavea+

როგორც უკვე ცნობილია, სერიალი ოთხი სტუდენტის შესახებ გვიყვება, რომლებიც ერთ სახლში გადავლენ საცხოვრებლად. გარდა ამისა, სერიალში ბევრ ცნობილ მსახიობსაც ვიხილავთ. ცვალებად ნიშნებში ირაკლი კვირიკაძე, ნია გუგავა, გივიკო ბარათაშვილი, ბუკა თოლორდავა, ია ფარულავა, ნანკა კალატოზიშვილი, ანუკი ბუბუტეიშვილი, სანდრო სამხარაძე, ლაშა მებუკე, ნატალია ყიფშიძე და გიორგი მახარაძე მონაწილეობენ.

სერიალის პრემიერა 15 ივნისს კავეა პლუსზეა დაგეგმილი. ცვალებადი ნიშნების პირველი სეზონი 12 ეპიზოდისგან შედგება და მაყურებელი კვირაში თითო ეპიზოდს ნახავს.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…