რატომ არის მნიშვნელოვანი: აშშ-ის სახელმწიფო დეპარტამენტმა გავლენიანი ქართველი მოსამართლეები, ე.წ კლანის წევრები, ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე "მნიშვნელოვან კორუფციულ საქმიანობაში ჩართულობის გამო" დაასანქცირა.

  • სახდეპის განცხადებით, ქართველმა მოსამართლეებმა ბოროტად გამოიყენეს თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა.
  • ოპოზიცია ითხოვს, შეიქმნას საგამოძიებო კომისია, რომლის მიზანიც სასამართლო სისტემაში არსებული კორუფციული ფაქტებისა და სამართალდარღვევების შესწავლა იქნება.

დეტალები: კომისიის შექმნას 50 დეპუტატის მხარდაჭერა სჭირდებოდა, თუმცა კენჭისყრა კვორუმის არარსებობის გამო ჩაიშალა.

  • "მივიღეთ გადაწყვეტილება საპარლამენტო უმრავლესობაში, რომ არ გავიაროთ რეგისტრაცია კენჭისყრამდე. ეს არის სოლიდარობის აქტი ქართველი მოსამართლეების მიმართ", — თქვა ირაკლი კობახიძემ.
  • პარლამენტის თავმჯდომარის განცხადებით, კენჭისყრები სხვა საკითხებთან ერთად ხვალ გაიმართება.