ცოტა ხნიწ სინ მაყურებელმა კიდევ ერთხელ გაიხსენა მსახიობი სონია ბრაგა, რომელმაც შეუდარებლად ითამაშა კლებერ მენდოკა ფილიუს ფილმში აკვარიუსი.

ფილმის პრემიერა კანის კინოფესტივალზე შედგა და კრიტიკოსები ქალის როლის საუკეთესო შესრულებისთვის პრიზს სწორედ ბრაგას უწინასწარმეტყველებდნენ, თუმცა ჟიურიმ, რომელსაც ჯორჯ მილერი ხელმძღვანელობდა სხვა გადაწყვეტილება მიიღო.

The Guardian-თან ინტერვიუს დროს ბრაგამ საკუთარ კარიერაზე ისაუბრა და თქვა, რომ ვერ ხვდება რატომ არ უყვართ ლათინოამერიკელი მსახიობები ჰოლივუდში.

"ჩემი დაკვირვებით მექსიკელებს, ბრაზილიელებსა და არგენტინელებს ჰოლივუდში ხშირად გვჩაგრავენ. მაგრამ ეს მარტო ჩვენ არ გვეხება, მაგალითად, ავიღოთ ესპანელები, ბევრი კარგი მსახიობი დაიწუნეს მხოლოდ იმის გამო, რომ აქცენტი აქვთ. მაგრამ აქცენტით ბრიტანელებიც საუბრობენ, თუმცა მათ ჰოლივუდში გაშლილი ხელებით ხვდებიან", - თქვა ბრაგამ.

მსახიობი ოსაკრის თემასაც შეეხო და აღნიშნა, რომ შოუბიზნესი ძალიან უსამართლოა.

"ოსკარზე მხოლოდ ხუთი ადგილია ქალის როლის საუკეთესოდ შესრულებისთვის და აქედან ერთი ყოველთვის მერილ სტრიპს ეკუთვნის. არასდროს დამწყვეტია გული იმის გამო, რომ ოსკარის ნომინაცია არ მიმიღია, მე საუკეთესო პრიზი მაქვს რაც შეიძლება მსახიობმა ინატროს და ეს მუშაობაა, დიახ ჩემი პრიზი არის ის, რომ ბევრი საქმე მაქვს ჩემს სფეროში", - აღნიშნა სონია ბრაგამ.

სონია ბრაგა ოქროს გლობუსის ნომინანტი ბრაზილიელი მსახიობია.