ჩინეთის რამდენიმე ქალაქი ერთი ძაღლის პოლიტიკას ნერგავს, ანუ მოქალაქეებს ერთ შინაურ ცხოველზე მეტის ყოლა ეკრძალებათ. თუმცა მათ, ვისაც ახალი წესის შემოღებამდე ჰყავდათ ორი ან მეტი ცხოველი, მათი შენარჩუნების უფლება ექნებათ.

წესის დარღვევის შემთხვევაში ჩინეთის მოქალაქეებს ჯარიმის სახით $294-ის გადახდა მოუწევთ.

ქინდაო პირველი ჩინური ქალაქია, რომელმაც ამ წესის შემოღების შესახებ გაავრცელა ოფიციალური ინფორმაცია და გარდა რაოდენობისა ძაღლების ჯიშზეც დააწესა შეზღუდვა. მაგალითად, იკრძალება პიტ ბულის, დობერმანის, ტიბეტური მასტიფისა და სხვა "აგრესიული" ჯიშების ყოლა.

ოფიციალური პირები ასეთ გადაწყვეტილებას ქალაქში მომრავლებულ ძაღლებს უკავშირებენ. ოფიციალური პირების აზრით ქალაქის ბინადრები წუხდებიან.

ქინდაო პირველი ჩინური ქალაქი არ არის, რომელსაც მსგავსი წესი აქვს. სიჩუანის პროვინციის დედაქალაქ ჩენგდოში მსგავსი პოლიტიკა 2009 წლიდან მოქმედებს.

აქვე შეგახსენებთ, რომ ჩინეთმა 2016 წლის 1 იანვრიდან ე.წ. ერთი შვილის პოლიტიკა გააუქმა. ჩინელებს ახლა ორი შვილის ყოლის უფლება აქვთ.