პროკურატურის ცნობით, 2020 წლის 21 დეკემბერს ბრალდებულმა ორ პირთან ერთად ცოლად შერთვის მიზნით არასრულწლოვანს თავისუფლება უკანონოდ აღუკვეთა, შემდეგ კი გააუპატიურა.

რატომ არის მნიშვნელოვანი: პროკურატურა აცხადებს, რომ მათ მიერ წარდგენილი უტყუარი მტკიცებულებების მიუხედავად, გურჯაანის რაიონულმა სასამართლომ 2021 წლის 23 სექტემბრის განაჩენით ეს პირი გაუპატიურების საქმეზე გაამართლა.

  • მათივე ცნობით, სასამართლომ სამივე პირი ჯგუფურად ჩადენილი წინასწარ შეცნობით არასრულწლოვანის თავისუფლების უკანონო აღკვეთის საქმეზე დამნაშავედ ცნო და 7 წლითა და 6 თვით თავისუფლების აღკვეთა განუსაზღვრა.

დეტალები: პროკურატურამ სასამართლოს განაჩენი გაუპატიურების ნაწილში გაასაჩივრა.

  • სააპელაციო სასამართლომ ბრალდებული სისხლის სამართლის კოდექსის 137-ე მუხლის მეოთხე ნაწილის "გ" ქვეპუნქტით დამნაშავედ ცნო, რაც წინასწარი შეცნობით არასრულწლოვანის გაუპატიურებას ნიშნავს;
  • მას სასჯელის სახედ და ზომად 15 წლით თავისუფლების აღკვეთა განესაზღვრა.