კონსტიტუციის პროექტის საყოველთაო სახალხო განხილვები კიდევ 20 ლოკაციაზე გაიმართება. ამის შესახებ პარლამენტის თავმჯდომარემ, ირაკლი კობახიძემ დღეს გამართულ პრესკონფერენციაზე განაცხადა.

კობახიძის თქმით, 10 შეხვედრა სხვადასხვა კრიტერიუმების მიხედვით შერჩეულ მუნიციპალიტეტებში (ზესტაფონი, სამტრედია, სიღნაღი, ხულო, მარნეული, ახალქალი, ოზურგეთში, ფოთი, ყაზბეგი, მესტია) გაიმართება, 10 კი - თბილისის სხვადასხვა რაიონში.

"ამ ერთი თვის განმავლობაში შედგება შეხვედრები სხვადასხა ინტერესთა ჯგუფებთან, ასევე უნივერსიტეტებში, აკადემიური სექტორის წამომადგენლებთან. 22-23 მაისს, ბერლინში იმართება შეხვედრა ვენეციის კომისიის ექსპერტების, პოლიტიკური პარტიების, არასამთავრობო ორგანიზაციების და ექსპერტების ფართო მონაწილეობით. ასევე, შედგება შეხვედრა პოლიტიკური პარტიების წარმომადგენლებთან," - განაცხადა კობახიძემ.

კონსტიტუციის პროექტის განხილვა ერთ თვეში დასრულდება და შემუშავებული იქნება დოკუმენტი, რომელზე მსჯელობაც პარლამენტში გაგრძელდება.