ინგლისში, ბერმინგჰემში მძარცველებმა ლეგენდარული "ჰარი პოტერის" პრეისტორიის უიშვიათესი და ერთადერთი ხელნაწერი მოიპარეს.

ისტორიაში, რომელიც სულ რაღაც 800 სიტყვისგან შედგება მოქმედება ჰარი პოტერის დაბადებამდე სამი წლით ადრე ხდება და მთავარი სიუჟეტური ხაზი სირიუს ბლექისა და ჯეიმს პოტერის გარშემო ვითარდება.

ჯოან როულინგმა ხელნაწერი 2008 წელს საქველმოქმედო აუქციონს შესწირა და ის 25 ათას ფუნტ სტერლინგად გაიყიდა.

" ვინც ამ უნიკალურ ხელნაწერს იყიდის, აშკარაა, რომ ის ჰარი პოტერის ნამდვილი თაყვანისმცემელი იქნება. სწორედ ამიტომ ყველას გთხოვთ, რომ თუკი ხელნაწერს ნახავთ, აუცილებლად დაუკავშირდით პოლიციას", - ამბობს ბერმინგჰემის პოლიციის უფროსი პოლ ჯოუნსი.