საქართველოს პრეზიდენტის ადმინისტრაციის უფროსმა, გიორგი აბაშიშვილმა საკონსტიტუციო ცვლილებების საყოველთაო-სახალხო განხილვის პროცესში პრეზიდენტის ჩართვასთან დაკავშირებით განაცხადა, რომ იგი მზადაა შეხვდეს საორგანიზაციო ჯგუფს:

"დღეს საკონსტიტუციო წევრების მხრიდან მივიღეთ თანხმობა საქართველოს პრეზიდენტის გუშინდელ შეთავაზებაზე, რომ პრეზიდენტი ჩართულიყო საყოველთაო-სახალხო განხილვის პროცესში. შესაბამისად, ეს პროცესი მიგვაჩნია მნიშვნელოვნად და ეს არაერთხელ განვაცხადეთ. სწორედ ამიტომ, პრეზიდენტმა დამავალა საკონსტიტუციო კომისიის შესაბამის საორგანიზაციო ჯგუფის წევრებთან შეხვედრა პრეზიდენტის ჩართულობის შინაარსობრივ, ტექნიკურ და საორგანიზაციო საკითხებზე სასაუბროდ".

პარლამენტის თავმჯდომარის პირველმა მოადგილემ, თამარ ჩუგოშვილმა, დღეს, 4 აპრილს პრეზიდენტი საკონსტიტუციო ცვლილებების საყოველთაო-სახალხო განხილვის პროცესში მონაწილეობის მისაღებად მიიწვია. მისი თქმით, ვინაიდან პრეზიდენტს ეს პროცესი უკვე დაწყებული აქვს, შეიძლება მათი გაერთიანება:

"ძალიან კარგი იქნება, თუკი საქართველოს პარლამენტის თავმჯდომარე და საქართველოს პრეზიდენტი მოსახლეობას ერთობლივად გააცნობენ და ერთობლოვად გაესაუბრებიან საკონსტიტუციო ცვლილებებთან დაკავშირებით".