"დიპლომატიის რომელ წესებში ჯდება", — ასე ეხმაურება ქართული ოცნების დეპუტატი, ანრი ოხანაშვილი უკრაინის საგარეო საქმეთა მინისტრის განცხადებას, რომელიც ამბობს, რომ საქართველოსგან უკრაინის დაზვერვის ინფორმაციაზე დამაჯერებელ არგუმენტებს ელოდებიან.

"კიდევ ერთხელ, რას შეიძლება ემსახურებოდეს ის, რომ ჯერ რაღაც დაგაბრალო და ამ დაბრალების შემდეგ შენ გთხოვო მტკიცებულებები, რომ მე რაც დააბრალე ეს ასე არ არის, რას ნიშნავს ეს არ ვიცი, დიპლომატიის რომელ წესებში ჯდება", — განაცხადა მან.

უკრაინის დაზვერვა აცხადებს, რომ რუსეთი ცდილობს საქართველოს ტერიტორიიდან კონტრაბანდული საქონლის შეტანას, რაშიც საქართველოს მთავრობა ხელს უწყობს. მათი ინფორმაციით, ქართულმა სპეცსამსახურებმა მიიღეს დავალება პოლიტიკური პირებისგან, არ ჩარეულიყვნენ ამ საკითხში.

პასუხად ფინანსთა სამინისტრომ განაცხადა, რომ ეს დაუსაბუთებელი და აბსურდული ბრალდებაა. უწყების თქმით, რუსეთისთვის სანქციების დაწესების დღიდან საქართველო ახორციელებს უმკაცრეს კონტროლს ქვეყნის ყველა საბაჟო პუნქტზე.

ქართული ოცნების თავმჯდომარემ, ირაკლი კობახიძემ კი უკრაინის განცხადებას ალოგიკური უწოდა. მან ამ შემთხვევაშიც ნაციონალური მოძრაობის როლზე ისაუბრა და თქვა, რომ ადამიანები, რომლებიც საქართველოში ოპოზიციაში არია, უკრაინის ხელისუფლების ნაწილი არიან.

ამავე თემაზე: