მსოფლიოში ერთ-ერთი ყველაზე ცნობილი ჰაკერული ჯგუფი, Anonymous ამბობს, რომ კრემლისა და რუსეთის შრომისა და სოციალური დაცვის სამინისტროს ვებგვერდები გათიშეს. ასევე წერენ, რომ რუსეთის პრეზიდენტის, ვლადიმერ პუტინის იახტის მოძრაობის მარშრუტი დაჰაკეს.

ჰაკერული ჯგუფმა გადატვიტა ერთ-ერთი გამომძიებელი რეპორტიორის პოსტი, სადაც ის წერს, რომ გავრცელებული ინფორმაციით, პუტინს აქვს 97 მილიონი დოლარის ღირებულების იახტა. მისი თქმით, Anonymous-მა "გამოიგონა" სამარშრუტო გზა, რომლის მიხედვითაც იახტა ჯერ გველების კუნძულზე, შემდეგ კი პირდაპირ "ჯოჯოხეთში" მიდის.

ჰაკერული დაჯგუფება Twitterზე ასევე წერს, რომ დაჰაკეს კრემლის საიტი. ვებგვერდი ამ დროისათვის ნამდვილად გათიშულია.

Anonymous Facebook გვერდზე წერს, რომ დაჰაკეს რუსეთის შრომისა და სოციალური დაცვის სამინისტრო, თუმცა საიტი იძებნება და ამ დროისათვის ხარვეზი არ აქვს.

ჰაკერებმა რუსეთს კიბერომი გამოუცხადეს და ამის შემდეგ, როგორც თვითონ ამბობენ, რუსული პროპაგანდისტული მედია Russia Today დაბლოკეს. შემდეგი იყო ერთ-ერთი ყველაზე დიდი რუსული კომპანიაა, გაზპრომი. გათიშვამდე კომპანიას კითხვითაც კი მიმართეს და "თამაში შესთავაზეს".

შემდეგ თქვეს, რომ გატეხეს რუსეთის თავდაცვის სამინისტროს ვებგვერდი — მონაცემთა ბაზა ჩამოტვირეს და გაასაჯაროვეს. უნდა ითქვას ისიც, რომ კრემლის საიტის გაუქმებაზე მათ აქამდეც დაუტვიტავთ.