Amazon-მა (AMZN) გასული წლის მეოთხე კვარტლის ფინანსური შედეგები გამოაქვეყნა. იქიდან გამომდინარე, რომ კომპანიის შემოსავლებმა მოლოდინებს გადააჭარბა, Amazon-ის აქციების ფასი გაიზარდა.

კომპანიის შემოსავლების ზრდა, გარკვეულწილად, მისი მხრიდან ელექტრომობილების მწარმოებელ ფირმაში Rivian-ში (RIVN) ინვესტიციასაც უკავშირდება. ამასთან, აღსანიშნავია, რომ Amazon-მა დააანონსა პრაიმ საწევრო გადასახადის ზრდა 119 დოლარიდან 139 დოლარამდე.

ფინანსური ანგარიშის მიხედვით, 2021 წლის მეოთხე კვარტალში კომპანიის მოგებამ ყოველ აქციაზე 27,75 დოლარი შეადგინა, რაც პროგნოზირებულზე 23,98 დოლარით მეტია. ამასთან, Amazon-ის წმინდა გაყიდვებმა, aნუ შემოსავალმა $137,4 მილიარდს მიაღწია, რაც გაყიდვების ნავარაუდევ მაჩვენებელს $420 მილიონით აღემატება — აღსანიშნავია, რომ წმინდა გაყიდვები წლიურად 9%-ით არის გაზრდილი.

გარდა ამისა, Amazon-ის ვებ-სერვისებიდან მიღებულმა შემოსავალმა $17,78 მილიარდი შეადგინა, რაც მოსალოდნელ მაჩვენებელზე $550 მილიონით მეტია.

კომპანიამ Amazon Prime-ის წევრობის გადასახადი 2014 და 2018 წლებშიც გაზარდა. როგორც Amazon-ში ამბობენ, ახალი წევრებისთვის გაზრდილი გადასახადის სისტემა 18 თებერვლიდან ამოქმედდება, ხოლო არსებული მომხმარებლებისთვის ტარიფი 25 მარტიდან შეიცვლება.

გასული წლის მეოთხე კვარტალში Amazon-ის წმინდა შემოსავალი თითქმის გაორმაგდა. თუ 2020 წლის მეოთხე კვარტალში კომპანიის წმინდა შემოსავალი $7,2 მილიარდი იყო, 2021 წლის იმავე პერიოდში ამ მაჩვენებელმა $14,3 მილიარდს მიაღწია, რაც, როგორც უკვე აღინიშნა, უმთავრესად, Rivian-ში ინვესტირებას უკავშირდება.

რაც შეეხება პროგნოზებს, აღსანიშნავია, რომ კომპანია პირველ კვარტალში 112-დან 117 მილიარდ დოლარამდე შემოსავალს ელოდება.

Amazon-ში ამბობენ, რომ კომპანია გლობალური ეკონომიკისთვის ჩვეული გამოწვევების წინაშე დგას, თუმცა, ამის მიუხედავად, მათი მოლოდინები ოპტიმისტურია.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები და ივაჭრე ისეთი საერთაშორისო კომპანიების აქციებით, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა.