გირჩი — მეტი თავისუფლების ლიდერის, ზურაბ ჯაფარიძის განცხადებით, სანამ ხელისუფლება არ შეიცვლება ყოფილი პრეზიდენტის, მიხეილ სააკაშვილის გათავისუფლების შანსს ვერ ხედავს. მისი თქმით, სააკაშვილი პოლიტიკაში რაიმე მნიშვნეოვან გავლენას ვერ ახდენს. ამის შესახებ მან TV პირველის ეთერში ისაუბრა.

"მე მესმის, რომ ნაციონალური მოძრაობის მხარდამჭერებს წარმოუდგენიათ სააკაშვილი 2003 წელს რომ იყო, ახალგაზრდა ენერგიული და რაღაც. სააკაშვილი სხვა ადამიანია ახლა. ბევრი რაღაც მახასიათებელია, რომელიც არ იცვლება ადამიანში და მეც მჯერა, რომ არ იცვლება, მაგრამ ასაკშია, სხვა გამოცილება აქვს, სხვა რეალობაში გამოდის, აღარ არის 2003 წელი. კაცმა არ იცის რა იქნება, მაგრამ მისი გათავისუფლების შანსს მე ვერ ვხედავ, მანამ სანამ ხელისუფლება არ შეიცვლება მაგის შანსი, ჩემი აზრით, არის ნული", — თქვა ჯაფარიძემ.

მიხეილ სააკაშვილი პირველ ოქტომბერს, მას შემდეგ დააკავეს, რაც სოციალურ ქსელში ვიდეო გამოაქვეყნა და თქვა, რომ საქართველოში იყო.