დეპუტატი გურამ მაჭარაშვილი აცხადებს, რომ ნაციონალურ მოძრაობას კოალიციის შექმნა, შესაძლოა, საკუთარ პარტიაში დასჭირდეს. ეს განცხადება მან პარტიის მიერ საპარლამენტო საქმიანობაში შესაძლო აქტიურ ჩართვაზე საუბრისას გააკეთა. მაჭარაშვილის აზრით, ენმ-ში აზრი გაყოფილია როგორც პარლამენტში შესვლა-არშესვლასთან დაკავშირებით, ისე ზოგადად, "რადიკალ მიშისტებსა" და პარტიის დანარჩენ წევრებს შორის.

"მე მგონი ნაციონალურ მოძრაობას კოალიცია და რიგგარეშე არჩევნები დასჭირდება საკუთარ პარტიაში, იმიტომ, რომ აცხადებენ, რომ იქ არის გაყოფილი — ორი პოზიციაა მინიმუმ. აქედან გამომდინარე, შეიძლება რიგგარეშე თავმჯდომარის არჩევნები დასჭირდეთ [...] უკვე გაყოფილია იქ კატეგორიებად რადიკალი მიშისტები, დანარჩენი ნაციონალური მოძრაობის წევრები და ა.შ.", — განაცხადა მაჭარაშვილმა.

რამდენიმე დღეა აქტიურად განიხილება დგას ნაციონალური მოძრაობის საპარლამენტო ცხოვრებაში აქტიურად ჩართვის საკითხი. 14 იანვარს, პარტიის თავმჯდომარემ, ნიკა მელიამ განაცხადა, რომ "ამ გადაწყვეტილების მიღებასთან ძალიან ახლოს" არიან. იქამდე, პარტიის ერთ-ერთმა ლიდერმა, რომან გოცირიძემ განაცხადა, რომ მათ ან უნდა დაიწყონ აქტიური საპარლამენტო საქმიანობა, ან საერთოდ დატოვოს პარლამენტი. გოცირიძის შეფასებით, არსებული მოცემულობა — ბოიკოტის რეჟიმში ყოფნა — ყველაზე უარესია. მისი თქმით, ამ გადაწყვეტილებით "სრულ კომფორტში" ამყოფებენ ქართულ ოცნებას.

აღსანიშნავია ისიც, რომ ნაციონალური მოძრაობაში სტრუქტურული ცვლილებები განხორციელდა. პოლიტიკურ საბჭოს უკვე კობა ნაყოფია ხელმძღვანელობს, გენერალური მდივანი კი იქნება პეტრე ცისკარიშვილი გახდა. რაც შეეხება ნიკა მელიას, როგორც მან განაცხადა, გარკვეული პერიოდით შეითავსებს თბილისის რაიონული ორგანიზაციის თავმჯდომარეობას.

გაიგე მეტი: