BBC-ის ცნობით, ეგვიპტეში კოპტურ ტაძრებში მომხდარ აფეთქებებზე პასუხისმგებლობა ტერორისტულმა დაჯგუფებამ ისლამურმა სახელმწიფომ აიღო. ორივე თავდასხმის შედეგად, 37 ადამიანი დაიღუპა და დაახლოებით 100 დაშავდა.

ქალაქ ალექსანდრიაში წმინდა მარკის ტაძრის გარეთ მოხდა აფეთქება, რასაც 11 ადამიანი ემსხვერპლა. მანამდე კი ქალაქ ტანტაში კოპტი ქრისტიანების ეკლესიაში მომხდარ აფეთქებისას 25 ადამიანი დაიღუპა. ორივე ეკლესიაში შეკრებილი მრევლი ბზობის დღესასწაულს აღნიშნავდა.

ეგვიპტური გამოცემის Egypt Independent-ის ცნობით, ალექსანდრიაში დაღუპულებს შორისაა ერთი პოლიციის ოფიცერიც, რომელიც თვითმკვლელი ტერორისტის შეჩერებას ცდილობდა.

ეგვიპტელი ქრისტიანები თავდასხმის სამიზნე გასული წლის დეკემბერშიც გახდნენ, როდესაც კაიროს კოპტურ ეკლესიაში მომხდარი აფეთქების, შედეგად სულ მცირე 25 ადამიანი დაიღუპა და 49 დაშავდა, მათ შორის უმეტესობა ქალები და ბავშვები იყვნენ.