ჰარი პოტერისა და მისი მეგობრების თავგადასავალი მსოფლიოში ერთ-ერთი ყველაზე პოპულარული ისტორიაა, რომელიც ნებისმიერი ასაკისა და გემოვნების ადამიანებს აერთიანებთ. მათ რიცხვს ტომ ფელტონიც მიეკუთვნება, რომელიც ფილმებში დრაკო მალფოის როლს ასრულებს. ტომი რიგითი ფანი არ გეგონოთ — ჰარი პოტერი მისი ყოველდღიურობის განუყოფელი ნაწილია, რასაც სოციალურ ქსელებშიც ძალიან ხშირად გვახსენებს.

ტომ ფელტონი ჰარი პოტერიდან ხუმრობებს ხშირად იყენებს, პერსონაჟების შესაბამის ტანსაცმელსაც ირგებს და მიმებითაც კი გვამხიარულებს. სწორედ ამიტომ, ალბათ, არ შევცდებით თუ მას ჰარი პოტერის ყველაზე ერთგულ ფანსაც ვუწოდებთ.

მაშ ასე, გთავაზობთ 10 პოსტს, რომელიც დაგარწმუნებთ, რომ ტომი ყველაზე დიდი პოტერჰედია:

1. როცა ერთი დღით გრიფინდორის უპირატესობა აღიარა

"მხოლოდ დღეს გრიფინდორი სლიზერინზე უკეთესია. დაბადების დღეს გილოცავ, მეგობარო!"

2. როცა მამის დღე ბიოლოგიურ მამასთან ერთად ლუციუს მალფოისაც მიულოცა

"ჩემს მამებს მამის დღეს ვულოცავ".

3. როცა სლიზერინის სვიტერი და შარფი მოიხდინა

4. როცა დრაკო მალფოის როლის მიღება იწინასწარმეტყველა

"ვაა! მაშინაც კი ვიცოდი".

5. როცა გაგვიმხილა, რომ დრაკოს წითურობა უნდოდა

"დრაკოს საიდუმლოდ ყოველთვის უნდოდა, წითური ყოფილიყო".

6. როცა ჰარი პოტერის მაღაზიის წინ იპოზიორა და დრაკოს მაღაზია ინატრა

"დრაკოს მაღაზია ჯერ კიდევ არაა! რა ჯანდაბა ხდება?!"

7. როცა ჰელოუინისთვის ჰარი პოტერივით გამოეწყო

8. როცა კორონავირუსის დელტა შტამის მიერ საშემოდგომო გეგმების ჩაშლა ამ ვიდეოთი გვაცნობა

9. როცა ჰარი პოტერის შთაგონებით შექმნილი ნიღბები მოირგო

10. როცა ნევილის სლიზერინში გადაბირება სცადა

ამავე თემაზე: