ვენერა ჩვენი უახლოესი მეზობელი და ჩვენი მსგავსი პლანეტაა, ოღონდ იქ ცხოვრებისთვის გაუსაძლისი პირობებია.

ეს პლანეტა ერთი დიდი ტოქსიკური ბურთია, რომლის ატმოსფეროს 96.5% ნახშირორჟანგია, ზედაპირის ტემპერატურა 462° ცელსიუსია და სუსტი მაგნიტური ველი აქვს, რაც იმას ნიშნავს, რომ მუდმივად იბომბება კოსმოსური რადიაციით.

ჩვენთვის ჯერ კიდევ არ არის ცნობილი რატომ არის ვენერაზე ასეთი პირობები, მაგრამ მეცნიერები, რა თქმა უნდა, ამის შეცვლას აპირებენ და იმისთვის, რომ ვენერას გამოცანა და იქ მიმდინარე მოვლენები და წარსულში მომხდარი ამბები გამოიკვლიონ, გადაწყვიტეს პლანეტის ატმოსფეროს ნიმუშები დედამიწაზე ჩამოიტანონ.

მისია ჯერ-ჯერობით იდეის დონეზე არსებობს და სახელიც კი არ აქვს. ხომალდი, სავარაუდოდ, 2040-იან წლებში გაეშვება, ჩავა ვენერამდე, შევა მის ატმოსფეროში, შეაგროვებს ნიმუშებს, დატრიალდება და დაბრუნდება დედამიწაზე.

ბევრი მეცნიერი ფიქრობს, რომ ვენერას დღევანდელი მდგომარეობა დედამიწის მომავალს ასახავს. მათი აზრით, მზის მხურვალების ზრდა, ატმოსფეროში ნახშირორჟანგის კონცენტრაციის მატება და სათბურის ეფექტის შექმნა, სწორედ ასეთ მომავალს გვიქადის.