წყვილებს თავიანთი ურთიერთობის უნიკალურობასა და მარადიულობაზე ხაზგასმის მოთხოვნილება ხშირად აქვთ. ზოგი ამის დამტკიცებას ყოველდღიური ქმედებებით ცდილობს, ზოგი კი სხვებისთვის უფრო თვალშისაცემ მოქმედებას ირჩევს და ტატუს იკეთებს, რათა ეს ყველამ გაიგოს.

როგორც ჩანს, ამ მხრივ, არც ცნობილი წყვილები არიან გამონაკლისი. სტატიაში იმ ტატუების 10 მაგალითს გთავაზობთ, რომლებიც ვარსკვლავებმა ერთმანეთისთვის სამუდამო სიყვარულის გამოსახატად გაიკეთეს.

1. მეგან ფოქსის ლავიწის ძვალზე წარწერა "el pistolero", რომელიც თავისი შეყვარებულის, Machine Gun Kelly-ს, ზედმეტსახელს უკავშირდება

ფოტო: Getty Images

2. სოფი ტერნერსა და ჯო ჯონასს რამდენიმე ერთნაირი ტატუ აქვთ, მათ შორის მათი ძაღლის, სახელად ვალდოს, პორტრეტი და წარწერა მაჯაზე: "უსასრულობამდე / და მის ფარგლებს გარეთ"

ფოტო: Getty

ფოტო: Instagram / mr.k_tattoo

3. ზეინ მალიკი ცოლის, ჯიჯი ჰადიდის, თვალების ცქერით ვერ გაძღა და გულმკერდზეც დაიხატა

4. დაკოტა ჯონსონსა და კრის მარტინს უსასრულობის სიმბოლოს გამოსახულებით ერთნაირი ტატუები აქვთ

ფოტო: GETTY/SHUTTERSTOCK

5. კაილი ჯენერმა და ტრევის სკოტმა თავიანთი შვილის, სტორმის, პატივსაცემად პეპლები დაიხატეს.
როგორც ჩანს, მათ არ იციან, საქართველოში ამ ტატუზე რასაც ფიქრობენ...

6. მეთიუ კომამ რომ ვეღარ მოიფიქრა, კიდევ როგორ გამოეხატა ცოლის, ჰილარი დაფის, მიმართ თავისი უსაზღვრო სიყვარული, მისი სახელი საჯდომზე ამოისვირინგა

ფოტო: Getty / Instagram

7. ვიქტორია და დევიდ ბექჰემები ერთმანეთის პატივსაცემად გაკეთებული მრავალი ტატუთი გამოირჩევიან: მაგალითად, დევიდს ცოლის სახელის ტატუ ინგლისურად და ჰინდიზე აქვს დახატული

ფოტო: Getty

ფოტო: Getty Images

ფოტო: Getty Images

8. ტრევის ბარკერს კორტნი კარდაშიანთან დაკავშირებული უამრავი ტატუ აქვს, მათ შორის ორი თავად კორტიმ გაუკეთა და ამათგან ერთი ბარკერის ყოფილი ცოლის სახელს ფარავს

9. ბიონსესა და ჯეი-ზის არათითზე, ქორწინების ბეჭდის ადგილას, ციფრი 4-ის ტატუ ჰქონდათ, რაც საიუბილეო თარიღს ნიშნავდა. თუმცა ბიონსემ მოგვიანებით ის რომაული ოთხიანის სიმბოლოთი შეცვალა

ფოტო: Getty

10. და ბოლოს, ფოტოზე ხედავთ ეშლი გრეჰემის ყურის უკან ქმრის, ჯასტინ ერვინის, ინიციალებს

ასევე იხილეთ: