10 ჩვევა, რომელსაც პანდემიის დასრულების შემდეგ, სავარაუდოდ, არ დავუბრუნდებით

ბოლო 2 წლის განმავლობაში პანდემია ნებისმიერი ადამიანისთვის უდიდესი გამოწვევა აღმოჩნდა. მომაკვდინებელი ვირუსი, ახლობლებისა და მეგობრებისგან შორს ყოფნა, ლოქდაუნი, დისტანციურ სამუშაო რეჟიმზე გადასვლა, დაწესებულებების დახურვა — ამ ყველაფერმა ჩვენი ყოველდღიურობა შეცვალა. ეს ცვლილებები კი, სავარაუდოდ, ისეთ ჩვევებზე გვათქმევინებს უარს, რომლებიც აქამდე ჩვენი ცხოვრების განუყოფელი ნაწილი იყო.

Reddit-ის მომხმარებლებმა სწორედ ისეთი ჩვევები განიხილეს, რომელთაც პანდემიის დასრულების შემდეგაც კი არ დაუბრუნდებიან და მათი გამტყუნება ნამდვილად რთულია:

1. ნებისმიერი ტიპის სამუშაოს ოფისიდან შესრულება

დისტანციურ სამუშაო რეჟიმზე გადასვლამ გვასწავლა, რომ ზოგიერთი პროფესიის წარმომადგენლისთვის საქმის ხარისხიანად შესასრულებლად ოფისში სიარული აუცილებელი სულაც არაა. ასეთი პროფესიებია, მაგალითად, სოციალური მედიის მენეჯერი, გრაფიკული დიზაინერი, მარკეტინგის მენეჯერი და ა.შ.

2. მისალმებისას კოცნა ან/და ხელის ჩამორთმევა

მხოლოდ თავის დაკვრით რომ შემოვიფარგლოთ?!

3. სამსახურში მისვლა მაშინ, როცა ავად ხარ

საკუთარი და სხვისი ჯანმრთელობისთვის საფრთხის შექმნა სწორი ნამდვილად არაა.

4. იმ თანამშრომლების ქება, რომლებიც ავადმყოფობის მიუხედავად, სამსახურში მოვიდნენ

საკუთარი და სხვისი ჯანმრთელობის გარისკვა გმირობა ნამდვილად არაა. უმჯობესია, ძალისხმევა გამოჯანმრთელებისკენ მივმართოთ.

5. რიგში ადამიანებთან ზედმეტად ახლოს დგომა

დისტანციის დაცვა პანდემიის დასრულების შემდეგაც არაა ცუდი აზრი.

6. გარეთ პირბადის გარეშე გასვლა მაშინ, როცა ავად ხარ

პირბადის ტარებით სხვების ჯანმრთელობაზე ზრუნავ. თუ დართ ვეიდერს შეუძლია, შენც შეძლებ!

7. სახლიდან ხელის სადეზინფექციო სითხის გარეშე გასვლა

მობილური, საფულე, გასაღები და სადეზინფექციო სითხე — ამ ნივთების გარეშე სახლიდან აღარ გავდივართ.

8. ბოულინგის თამაშის დროს ხელით ჭამა

თუ ამაზე აქამდე არ გიფიქრიათ, სჯობს, დაფიქრდეთ...

9. ნებისმიერი მიპატიჟების მიღება

როგორც აღმოჩნდა, იქ წასვლაზე უარის თქმა, სადაც ყოფნა არ გვინდა, შეუძლებელი სულაც არაა. სჯობს, დრო იმ ადამიანებსა და ადგილებს დავუთმოთ, რომლებიც გვიყვარს.

10. მაღაზიებში სიარული

როგორც ჩანს, სურსათის, საკვებისა და წამლების გამოძახება, ტანსაცმლისა და საჭირო ნივთების ონლაინ ყიდვა ძალიან მოხერხებული ყოფილა და მუდამ მაღაზიებში სირბილი საჭირო სულაც არაა.

გირჩევთ