დაავადებათა კონტროლის ეროვნული ცენტრის დირექტორის, ამირან გამყრელიძის თქმით, ქვეყანაში ეპიდემიოლოგიური მდგომარეობა საკმაოდ რთულია, თუმცა მისი თქმით, ჯერჯერობით, შემთხვევათა უმრავლესობა მძიმე არ არის.

"5 000 ახალი შემთხვევა, არ არის მარტივი ქვეყნისთვის. ერთადერთი არის, რომ შემთხვევათა უმრავლესობა, ჯერჯერობით, რაც დაკვირვება მიდის, არ არის მძიმე. მიუხედავდ იმისა, რომ საკმაოდ ბევრია აქტიური შემთხვევა, ზეწოლა ჯანდაცვის სისტემაზე ჯერ არ გამოკვეთილა. ეს, ალბათ, ვფიქრობ, მაინც განპირობებულია გარკვეულად, რომ იმუნური ფენის, რაც ჩვენ გვინდა, არ არის, მაგრამ რაღაც სეგმენტი სერიოზული გაჩნდა", — განაცხადა მან.

დღეს ჯანდაცვის მინისტრის მოადგილემ, თამარ გაბუნიამ განაცხადა, რომ ამ ეტაპზე ჰოსპიტალიზაცია არის 12%, რაც წინა ტალღებთან შედარებით, დაბალია და ეს შესაძლოა, გამოწვეული იყოს შემთხვევების სიმსუბუქითა და ვაქცინაციით.