საქალაქო სასამართლომ პრეზიდენტის პრეს-სპიკერისა და ჟურნალისტის ეკა მიშველაძის სარჩელი ნაწილობრივ დააკმაყოფილა და საზოგადოებრივი მაუწყებლიდან მისი გათავისუფლების ბრძანება უკანონოდ სცნო. მოსამართლემ საზოგადოებრივ მაუწყებელს კომპენსაციის სახით 30 ათასი ლარის გადახდა დააკისრა. მოსარჩელე მხარის დანარჩენი მოთხოვნები არ დაკმაყოფილდა.

ამის შესახებ, გადაწყვეტილება სასამართლოში ცოტა ხნის წინ გამოაცხადდა.

26 თებერვალს, საზოგადოებრივმა მაუწყებელმა ჟურნალისტი ეკა მიშველაძე სამსახურიდან გაათავისუფლა. მიშველაძეს აღნიშნული გადაწყვეტილება წერილობით აცნობეს, სადაც აღნიშნული იყო, რომ საზოგადოებრივ-პოლიტიკური თოქ-შოუს პირველი სტუდიის დახურვის შემდეგ ჟურნალისტის მიერ წარდგენილი გადაცემის პროექტი აღმასრულებელმა საბჭომ არ მოიწონა, რაც მისი გათავისუფლების საფუძველი გახდა.

თოქ შოუ პირველი სტუდია 2015 წოლის 4 სექტემბრიდან დახურეს, რის მიზეზად საზოგადოებრივი მაუწყებლის დირექტორის მრჩეველმა, ბასა ჯანიკაშვილმა მიშველაძისა და თავისუფალი დემოკარტების ერთ-ერთი ლიდერის, ალექსი პეტრიაშვილის ქორწინება დაასახელა. მოგვიანებით მენეჯმენტმა ეს გადაწყვეტილება ფორმატის ცვლილებითა და ახალი გადაცემით ჩანაცვლებით ახსნა. სასამართლოში ეკა მიშველაძის ინტერესებს საია იცავდა.