ნაციონალური მოძრაობის თავმჯდომარემ, ნიკა მელიამ განაცხადა, რომ თვითმმართველობის არჩევნების მეორე ტურის შემდეგ ისევ შეიკრიბებიან. მისი თქმით, მათი სამომავლო მოქმედებები ბიძინა ივანიშვილზე იქნება დამოკიდებული. ამის შესახებ მელიამ თავისუფლების მოედანზე მიმდინარე აქციაზე გადნაცხადა.

"აგერ ნახეთ, რამდენი ადამიანი გამოვა 30 ოქტომბერს ამ 20 ქალაქში, და რამდენი ადამიანი გამოვალთ მერე თავისუფლების მოედანზე და რაც გინდა ის გააკეთე, გინდ ღარიბაშვილი ჩაიყენე შინ, გინდ კობახიძე და გინდ ანზორ ჩუბინიძე და გინდ ბატონი ვოლსკი", — მიმართმა ნიკა მელიამ ბიძინა ივანიშვილს აქციიდან.

მელიას განცხადებით, მათ ერთადერთი გეგმა აქვთ და ეს გამარჯვებაა. ენმ–ის ლიდერმა აქციის მონაწილეებს მოუწოდა, რომ არჩევნებზე დამკვირვებლები და წარმომადგენლები იყვნენ.

"კითხულობენ მეგობრები, რა არის გეგმა, რა არის თქვენი გეგმა, გეგმა არის ერთადერთი და მეორე ვერ და არ იქნება. გეგმა არის გამარჯვება, გამარჯვება და არაფერი მეტი სხვა. ყველა 30 ოქტომბრამდე უნდა გადავნაწილდეთ, პირველ რიგში, ჩემი თხოვნა იქნება, საარჩევნო უბნებზე დამკვირვებლებად და წარმადგენლებად, ხალხო, არ დავიზაროთ. აი, იქ უნდა აღვმართოთ მშვიდობიანი, ცოცხალი კედელი, რომ პარაზიტებმა ვერ მოიპარონ ამ ქვეყნის მომავალი", — თქვა მელიამ.

"თავისუფლება მიშას" — თბილისში ექსპრეზიდენტის, მიხეილ სააკაშვილის მხარდამჭერი აქცია გაიმართა. მოქალაქეები სხვადასხვა ქალაქიდან შეუერთდნენ მსვლელობას, რომელიც რესპუბლიკის მოედნიდან დაიწყო, შემდეგ თავისუფლების მოედანზე გადაინაცვლა.

გაიგე მეტი: