საქართველოს სამეფო სახლის განცხადებით, პრინცი ბაგრატი ხანგრძლივი ავადმყოფობის შემდეგ გარდაიცვალა.

ის 2008 წელს გარდაცვლილი საქართველოს სამეფო სახლის მეთაურის, გიორგი (ხორხე) ბაგრატიონ-მუხრანბატონის ძმა იყო.

სამეფო სახლის ინფორმაციით, ამჟამად საქართველოს სამეფო სახლის მეთაურია უფლისწული დავით ბაგრატიონ მუხრანბატონი.

სამეფო სახლი ასევე დასძენს, რომ რუსთავი 2-ის ეთერით გადაიცა არასწორი ინფორმაცია, სადაც ამბობდნენ, რომ გარდაიცვალა ევროპაში ბაგრატიონთა სამეფო სახლის მეთაური:

"გვსურს განვმარტოთ, რომ მსგავსი ტიტული და წოდება საქართველოს სამეფო სახლში არ არსებობს. მსგავსი რამ ბუნებაში არ არსებობს. საქართველოს სამეფო სახლი, ევროპაში იძულებით დევნილობის შემდეგ, დიდი ხანია, რაც დაბრუნდა საქართველოში".