ცესკოს გამოქვეყნებული მონაცემების მიხედვით, გორში 107 უბნიდან დათვლილია 63 უბანი, ანუ 58.88% და ამ დროისათვის, ვლადიმერ ხინჩეგაშვილი ლიდერობს. შედეგები ასე გადანაწილდა:

  • ქართული ოცნება: ვლადიმერ ხინჩეგაშვილი — 51.66%;
  • ნაციონალური მოძრაობა: ვასილ მახარაშვილი — 32,42%;
  • საქართველოსთვის: კონსტანტინე ანანიაშვილი — 13.37%;
  • ევროპული საქართველო: ეთერ ჯალაღანია — 2.54%

2 ოქტომბერს საქართველოში ადგილობრივი თვითმმართველობის არჩევნები გაიმართა. მოსახლეობა მერებსა და საკრებულოების წევრებს ირჩევდა. თუმცა ამჯერად ეს არ არის მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებს. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო. ხელისუფლება დღეს აცხადებს, რომ ამ პირობის შესრულებას არ აპირებს.