ქართული ოცნების საზოგადოებასთან ურთიერთობის მდივანი, შალვა პაპუაშვილი აცხადებს, რომ ვებგვერდზე, სადაც ქართული ოცნება პარალელური დათვლის შედეგებს აქვეყნებს, მიდის ჰაკერული შეტევა.

"მიდის შეტევა ჩვენს ვებგვერდზე , სადაც ხდება პარალელური დათვლის შედეგების გამოქვეყნება. პირდაპირ არის ჰაკერული შეტევა ვებგვერდზე, რათა მოხდეს გარკვეულწილად გატეხვა ამ სერვერის, ნახევარ მილიონზე მეტი მოთხოვნაა გაგზავნილი სხვადასხვა ქვეყნებიდან, ბრაზილია, ტაივანი, სხვადასხვა ქვეყნები, არ მგონია, მათ მაინც და მაინც აინტერესებდეთ საქართველოს ადგილობრივი თვითმმართველობის არჩევნები. ეს პირდაპირ მიუთითებს, რომ არის კოორდინირებული მოქმედება როგორც უბნებსა და ოლქებში, ისე ვირტუალურ სივრცეში, რასაც სხვა დროსაც ვხედავდით, ამიტომ უპირველეს ყოვლისა, მივმართავ ნაციონალურ მოძრაობას, რომ არ გამოუვათ მათ ჩაშლა ამ პროცესის", — აცხადებს ის.

პაპუაშვილი მიმართავს შინაგან საქმეთა სამინისტროს, რომ ამ საკითხით დაინტერესდეს და ასევე საერთაშორისო ორგანიზაციებს, რომ ამაზე მკაცრი რეაგირება ჰქონდეთ ნაციონალური მოძრაობის მიმართ.