თბილისში, სამგორში ძლიერი წვიმისა და ქარის შედეგად შვიდი საცხოვრებელი სახლი დაზიანდა. სტიქიისგან დაზარალებულები სახლების მდგომარეობის მოწესრიგებამდე სასტუმროში გადაიყვანეს. აღნიშნულის შესახებ On.ge-ს მერიაში და სამგორის გამგეობაში განუცხადეს.

სტიქიის გამო დაზიანდა ენერგოგადამცემი ხაზებიც და ღამით მოსახლეობას ელექტროენერგია არ მიეწოდებოდა. გამგეობაში აცხადებენ, რომ ელექტროენერგიის მიწოდება ნაწილობრივ აღდგენილია და ამ ეტაპზე, სამუშაოები მიმდინარეობს.