გასულ თვეს ვარსკვლავური წყვილი — ეშტონ კაჩერი და მილა კუნისი — ერთ-ერთ პოდკასტში საუბრისას ჰიგიენის ისეთ ჩვევებს შეეხო, როგორიც ბანაობაა. მათი თქმით, ტანს ყოველდღიურად არ იბანენ. ამ განცხადებამ საზოგადოებაში განსხვავებული რეაქციები გამოიწვია. ზოგმა წყვილს მხარი დაუჭირა, სხვებმა კი გაოცება ვერ დამალეს და არც კრიტიკა დაიშურეს.

როგორც ჩანს, ბანაობასთან დაკავშირებული განხილვა წარსულში ნამდვილად არ დარჩენილა. ცოტა ხნის წინ ეშტონ კაჩერი იოვას უნივერსიტეტში გამართული ფეხბურთის მატჩის კომენტატორად მოგვევლინა.

მსახიობი თამაშის დაწყებას მშვიდად ელოდა და სხვა სტუმრებს ერთ-ერთი საქველმოქმედო პროექტის შესახებ ესაუბრებოდა, როდესაც სტადიონიდან ფანების ყვირილი მოესმა. "შხაპი მიიღე!" — მოუწოდებდნენ გულშემატკივრები მსახიობს.

ეშტონს ხმაურისთვის ყურადღება არ მიუქცევია და საუბარი აუღელვებლად გააგრძელა.

"ისე გავიზარდე, ბავშვობაში ცხელი წყალი არ მქონია და ამიტომ ხშირად ვერ ვბანაობდი", — განაცხადა მილა კუნისმა ქმართან ერთად ჰიგიენურ ნორმებზე პოდკასტში საუბრისას.

წყვილმა საზოგადოებას შვილების ბანაობის შესახებ გამოცდილებაც გაუზიარა:

"როცა დაინახავ, რომ გაჭუჭყიანდნენ [ბავშვები], მაშინ აბანავე. ისე რა მნიშვნელობა აქვს", — აღნიშნა ეშტონ კაჩერმა.

მოგვიანებით ანალოგიურ გამოცდილება გაგვიზიარა კიდევ ერთმა ცნობილმა წყვილმა, კრისტენ ბელმა და დექს შეპარდმა. მათ ჯეიკ ჯილენჰოლიც დაეთანხმა.

"სულ უფრო ხშირად ვფიქრობ, რომ ბანაობა ხანდახან არც ისეთი აუცილებელია. მე მჯერა ელვის კოსტელოს სიტყვების, რომ კარგი ქცევები და პირში ცუდი სუნი კარგს არაფერს მოგიტანს. ამიტომ, კბილებს ვიხეხავ. მაგრამ ვფიქრობ, რომ ბანაობის გარეშე ჩვენს კანს უფრო გავუფრთხილდებით და ასევე, ჩვენ ბუნებრივად ვისუფთავებთ ჩვენივე თავებს", — განაცხადა ჯილენჰოლმა.

ამავე თემაზე: