ფოთის მერობის კანდიდატს, გიგი უგულავას შინაგან საქმეთა სამინისტრომ კანდიდატად რეგისტრაციისთვის საჭირო ცნობა მისცა. ამის შესახებ ინფორმაციას თავად უგულავა ავრცელებს.

"როგორც ეროვნული მოძრაობის დროს ამბობდნენ კრემლმა უკან დაიხია. საბუთი ანუ ჯადო ჩემს ხელშია. ბრძოლა გრძელდება გამარჯვებამდე", — წერს უგულავა.

გუშინ, 31 აგვისტოს უგულავამ განაცხადა, რომ შინაგან საქმეთა სამინისტრომ არ მისცა ცნობა, რომელიც აუცილებელი იყო არჩევნებისთვის მისი რეგისტრაციისთვის. On.ge-ს შსს-ში განუცხადეს, რომ უგულავამ მომსახურების სააგენტოდან უფლების ჩამორთმევის შესახებ ცნობა მოითხოვა და შესაბამისი ინფორმაცია საინფორმაციო-ანალიტიკური დეპარტამენტიდან გამოითხოვეს. მათივე თქმით, უგულავას განუმარტეს, რომ ინფორმაცია, რომლის საფუძველზე გაიცემა ცნობა უწყებებიდან უნდა მიიღოთ.