მალხაზ მაჩალიკაშვილი თვითმმართველობის არჩევნებზე დუისის მაჟორიტარი დეპუტატობის კანდიდატი იქნება. როგორც მაჩალიკაშვილი On.ge-სთან აცხადებს, ის ოპოზიციის საერთო კანდიდატი იქნება თვითმმართველობის არჩევნებზე.

"პირველად იყო ასეთი შემოთავაზება, რომ დამოუკიდებლად მეყარა კენჭი, მე უარი ვუთხარი, რადგან ერთ-ერთ ქისტ ახალგაზრდასთან მქონდა უკვე მოლაპარაკებები, რომ დამოუკიდებლად ან რომელიმე პარტიიდან ეყარა კენჭი და ის თანახმა იყო, თუმცა შემდეგ გადათქვა, რადგან უშიშროებიდან დაემუქრნენ, მაჩალიკაშვილს რატომ შეხვდი, რა საუბრები გქონდა მასთანო. ამ დროს იწურებოდა უკვე საინიციატივო ჯგუფის შექმნის ვადა და აღარ იყო იმის დრო, რომ შემექმნა საინიციატივო ჯგუფი და დამოუკიდებლად მეყარა კენჭი", — ამბობს ის.

როგორც ის ამბობს, არ აქვს მნიშვნელობა რომელი პარტიის სახელით იყრის კენჭს არჩევნებზე და მისთვის მთავარი ქართული ოცნების დამარცხებაა.