ონლაინ პლატფორმა Airbnb, რომელიც განსაკუთრებით პოპოლარული მოგზაურებშია, 20 000 ავღანელ მიგრანტს მსოფლიო მასშტაბით დროებით უფასო საცხოვრებელს სთავაზობს.

კომპანიის ხელმძღვანელი ბრაინ ჩესკი აცხადებს, რომ მის ორგანიზაციაში პასუხისმგებლობას გრძნობენ და ამით პასუხობენ "ჩვენი დროის ერთ-ერთ უდიდეს" ჰუმანიტარულ კრიზისს.

"დასაკარგი დრო არ გვაქვს, იმედი გვაქვს, სხვა ბიზნესებისთვის მისაბაძები გავხდებით. ათობით ათასი ავღანელი მიგრანტი მსოფლიო მასშტაბით თავიდან ცდილობს უსაფრთხო ცხოვრების დაწყებას. მათი პირველი საფიქრალი ისაა, თუ სად დარჩებიან ისინი. მათ მყუდრო სახლი სჭირდებათ", — დასძინა მან.

შეთავაზება ძალაში დღეიდან შევიდა. Airbnb აცხადებს, რომ არასამთავრობო ორგანიზაციებთან თანამშრომლობს, რომ მათ დაეხმაროს, ვისაც ყველაზე მეტად სჭირდება. ბრაიან ჩესკის თქმით, მართალია მათ გადასახადებს კომპანია გადაიხდის, თუმცა საცხოვრებლების მასპინძლების დახმარების და გულუხვობის გარეშე ინიციატივას ვერ განახორციელებდნენ.

ავღანეთიდან აშშ-ის ძალების გასვლის შემდეგ, თალიბანმა მალევე შეძლო და ქაბულიც აიღო – პრეზიდენტი გაიქცა, თალიბებმა ძალაუფლება მოიპოვეს. მათ ხელისუფლების ყველა წარმომადგენლისათვის საყოველთაო "ამნისტია გამოაცხადეს" და მთავრობაში ქალები მიიწვიეს. მათი მტკიცებით, ხალხს შეუძლია, დაუბრუნდეს თავის რუტინულ ყოველდღიურობას, თუმცა ამის ფონზე, დევნიან ქუჩაში დამოუკიდებლობის დღის აღსანიშნავად გამოსულ მოქალაქეებს, ქალებს, რომლის ჩაცმის სტილიც არ მოსწონთ, ჟურნალისტებს. ბოლო დღეებში თალიბებმა მოკლეს და დაჭრეს უამრავი ადამიანი, მათ შორის ისინი, ვინც ქვეყნიდან გაქცევას ცდილობდნენ.

ასევე იხილეთ: