ნაციონალური მოძრაობის ლიდერის, ნიკა მელიას განცხადებით, გიგი უგულავამ თბილის წინ წასწია და ეჭვი არ ეპარება, რომ ფოთშიც იგივეს გააკეთებს. ამის შესახებ მან უგულავას ფოთის მერობის კანდიდატად წარდგენისას ისაუბრა.

"ბედნიერი ვარ, რომ ფოთშიძალიან გამოცდილი, მძიმეწონიანი პოლიტიკოსი, რომელმაც უდიდესი გამოცდილება მიიღო განვლილ წლებში. ადამიანი, რომელმაც მოწინააღმდეგეც ვერ უარყოფს, ბიძინა ივანიშვილის ვერ უარყოფს, რომ თბილისი მნიშვნელოვნად წინ წასწია, სასიკეთოდ წინ წასწია და ეჭვი არ მეპარება, იგივეს გააკეთებს ის თქვენთა ერთად ფოთში, როგორც გაერთიანებული ოპოზიციის კანდიდატი", — თქვა მან.

19 აგვისტოს ცნობილი გახდა, რომ ფოთში ოპოზიციის კანდიდატი გიგი უგულავა იქნებოდა. აქამდე ვრცელდებოდა ინფორმაცია, რომ კანდიდატებად თინა ბოკუჩავა და ბექა ბასილაია განიხილებოდნენ. გიგი უგულავა თვითმმართველობის არჩევნებზე ნაციონალური მოძრაობის სახელით წარსდგება, მიუხედავად იმისა, რომ პარტიის წევრი არ არის.

საქართველოში თვითმმართველობის არჩევნები 2 ოქტომბერს გაიმართება. თითქმის მთელი საქართველოს მასშტაბით ოპოზიციის დიდმა ნაწილმა კანდიდატებთან დაკავშირებით შეთანხმებას მიაღწია. ჯერჯერობით უცნობია ლელოს პოზიცია, ხოლო სტრატეგია აღმაშენებელი და ლეიბორისტული პარტია კანდიდატებს დამოუკიდებლად აყენებენ. არჩევნებში ჩართულია ექსპრემიერ გიორგი გახარიას პარტიაც, თუმცა ის ოპოზიციასთან არ თანამშრომლობს.