სოფლად მცხოვრები მოსახლეობა ვაქცინაციის პროცესში ჩართვას ადგილზე, საზოგადოებრივი თავშეყრის ადგილებში შეძლებს. მთავრობის განკარგულებით, გადაადგილებაშეზღუდულ პირებს სამედიცინო ბრიგადები ბინაზე მიაკითხავენ.

სოფლად მცხოვრები მოსახლეობის ვაქცინაციის პროცესში სოფლის ექიმები და ექთნები ჩაერთვებიან. პროგრამის მიმწოდებელ სამედიცინო დაწესებულებებს დაევალათ, უზრუნველყონ ისინი ვაქცინაციისთვის საჭირო აღჭურვილობით.

რეგიონებში ვაქცინაციისთვის საჭირო ინფრასტრუქტურას ადგილობრივი თვითმმართველობები შეარჩევენ. მათივე ფუნქციაა ასაცრელი კონტინგენტის მობილიზება, საჭიროების შემთხვევაში კი ასაცრელი პირების ტრანსპორტირების უზრუნველყოფა.

საჭიროების შემთხვევაში, სასწავლო პროცესის აღდგენამდე, აცრები საგანმანათლებლო დაწესებულების შენობებში ჩატარდება.

გაიგე მეტი: