ავტომობილების ყიდვა-გაყიდვის ონლაინ პლატფორმა lion auto auction კომუნიკაციის ახალ ეტაპზე გადადის.

პანდემიის გამო შექმნილ სირთულეებს კომპანიამ პროცესების გამარტივებით უპასუხა, რაც შეცვლილ საკომუნიკაციო სტრატეგიასთან ერთად ვებგვერდის ფუნქციონალის განახლებასაც გულისხმობს.

პლატფორმა, საერთაშორისო ჰოლდინგ lion group-ის პროექტია და რეგიონში აუქციონის დახმარებით ავტომობილებით ვაჭრობის კულტურის დანერგვასა და განვითარებას ისახავს მიზნად.

www.lionauctions.com-ზე განთავსებულია როგორც საქართველოს ტერიტორიაზე არსებული, ასევე ამერიკიდან მომავალი იმპორტირებული სატრანსპორტო საშუალებები, ვაჭრობა კი ლაივ აუქციონის პრინციპით ხდება, რაც მყიდველს საკუთარი ბიუჯეტის ეფექტურად მართვის საშუალებას აძლევს, ხოლო გამყიდველს ავტომობილის ოპტიმალურ ფასად გასხვისების ალტერნატიულ წყაროს სთავაზობს.

ავტომობილები ბაზირებულია წეროვანში მდებარე დაცულ ავტოსადგომზე.
გამოცდილი ავტოასისტენტების დახმარებით კი მათი შემოწმება ადგილზევეა შესაძლებელი.

აღსანიშნავია, რომ კომპანია სრულ პასუხისმგებლობას იღებს ვებგვერდზე განთავსებული თითოეული ლოტის სინამდვილესთან შესაბამისობაზე და ავტომობილის გადაფორმების პროცესში მხარეებს შორის მედიატორის ფუნქციასაც კისრულობს.

რატომ უნდა ისარგებლოთ Lionauctions.com-ის სერვისით?

• აუქციონის ტერიტორიაზე ავტომობილის დაყენება უფასოა
• აუქციონი მომხმარებელს უფასოდ სთავაზობს ავტომობილის დასურათებისა და ფოტოების ვებგვერდზე განთავსების სერვისს
• Lion Auto Auction-ს საკუთარი წარმომადგენლობები აქვს გახსნილი უკრაინის, აზერბაიჯანის, სომხეთისა და ყირგიზეთის ტერიტორიებზე, რაც მომხმარებელს ფართო აუდიტორიაზე წვდომის საშუალებას აძლევს
• Lion Auto Auction-ის საშუალებით შეძენილი სატრანსპორტო საშუალებები დანიშნულების ადგილზე ჩამოდის გაცილებით ადრე, ვიდრე ამერიკულ ავტოაუქციონებზე შეძენის შემთხვევაში
• გზაში მყოფი გასაყიდი სატრანსპორტო საშუალებების ტრანსპორტირებას ახდენს სანდო რეპუტაციის მქონე საერთაშორისო კომპანია Lion Trans
• ვებგვერდზე ავტომობილის შეძენა შესაძლებელია აუქციონის გვერდის ავლითაც, Buy now პრინციპით

აუქციონი ყოველი კვირის ხუთშაბათ დღეს ტარდება.

დაინტერესებული პირებისათვის ვებგვერდზე განთავსებულია ანიმირებული ვიდეო ინსტრუქციები, სადაც დეტალურად არის ახსნილი აუქციონში მონაწილეობისათვის საჭირო ყველა ტექნიკური დეტალი.

კომპანიაში ამბობენ, რომ აუქციონის სერვისებისა და მომხმარებლისათვის ავტომობილების შეძენის პროცესის გამარტივების მიზნით უახლოეს მომავალში კიდევ არაერთი სიახლე იგეგმება.