კომეტა 45P/ჰონდა-მრკოს-პაჯდუსაკოვა (სამი აღმომჩენი ასტრონომის სახელი. 1948 წელი) შიდა მზის სისტემაში ყოველ 5,25 წელიწადში ერთხელ მოგზაურობს. შაბათს კი, 45P დედამიწას ახლო მანძილით ჩაუქროლებს.

კომეტებზე მონადირეებს ბინოკლებითა და პატარა ტელესკოპებით შეეძლებათ 45P-ს დანახვა გათენებამდე, ხუთშაბათი-კვირის შუალედში. SpaceWeather.com-ის განცხადებით, კომეტა ჰერკულესის თანავარსკვლავედისკენ ჩაიფრენს აღმოსავლეთ ცაზე.

ჰერკულესის თანავარსკვლავედი ღამის ცაზე

ფოტო: WIKIMEDIA

კომეტა 45P მოლურჯო-მწვანე ფერის ბურთია კონუსის ფორმის კუდით. მისი მახასიათებელი ფერი აორთქლებადი დიატომური ნახშირბადითაა გამოწვეული. ეს აირი მწვანედ ანათებს თითქმის ვაკუუმში.

The Minor Planet Center აცხადებს, რომ 45P-ს ჩაფრენა დედამიწასთან სიახლოვით მერვეა მას შემდეგ, რაც თანამედროვე მიდევნების ტექნოლოგიები შეიქმნა 1950-იანებში. ის უკანასკნელი ვიზიტისას (მთავარ ფოტოზე), 2011 წელს, ბევრად უფრო ახლოს მოვიდა, თუმცა ამ საუკუნეში ასეთი შემთხვევა აღარ განმეორდება.

მიუხედავად კომეტის ზომისა, მისი სიახლოვე კაშკაშს აძლიერებს. ასტრონომების ვარაუდით, 45P შესაძლოა შეუიარაღებელი თვალითაც გამოჩნდეს, როცა გათენებამდე ჩაივლის ცაზე ამ კვირის ბოლოს.

ასტრომოყვარულებმა მწვანე კომეტა შორიდანაც გადაიღეს. გთავაზობთ ერთ-ერთი გერმანელი ასტროფოტოგრაფის, ფრიც ჰემერიხ ჰამელმუტის მიერ გადაღებულ 45P-ს:

ფოტო: FRITZ HELMUT HEMMERICH