სტრატეგია აღმაშენებლის ლიდერის, გიორგი ვაშაძის განცხადებით, ევროპული საბჭოს პრეზიდენტთან, შარლ მიშელთან და ქართული ოცნების ლიდერებთან შეხვედრის დროს, მთავარი თემა იყო, მზად არიან თუ არა მხარეები დიალოგის გაგრძელებისთვის. მანვე აღნიშნა, რომ "წითელი ხაზები არ არსებობს" და ყველაფერს განიხილავენ.

"მე ესე ვიტყვი, რომ არ იყო ეს შეხვედრა იმისთვის, რომ დეტალურად განგვეხილა თითოეული პოზიცია. ეს შეხვედრა პირდაპირ ემსახურებოდა იმას, რომ მზად არიან თუ არა მხარეები ევროკავშირის უშუალო მოდერაციით და არა ფასილიტაციით, ეს ძალიან მნიშვნელოვანია, გავაგრძელოთ ეს საუბარი. ჩვენ ვთქვით, რომ დიახ მზად ვართ და ხაზი გავუსვით, რომ ჩვენთვის ეს 2 საკითხია მნიშვნელოვანია.

რიგგარეშე არჩევნები — ჯერჯერობით არ იყო ამაზე საუბარი, პირდაპირ გეტყვით, რომ რას ამბობს კონკრეტულად რიგგარეშე არჩევნებზე, მაგრამ მათ სათქმელი ექნებათ რიგგარეშე არჩევნებთან დაკავშირებითაც, რადგან ეს საკითხი განიხილება ამ საუბრის პროცესში. მოდით ესე ვთქვათ, წითელი ხაზები, რომ რაღაცას არ ვიხილავთ, ეგრე არ არის. ყველაფერს განვიხილავთ და ყველაფერზე ვსაუბრობთ. რაც შეეხება პლებისციტს, მე მინდა კიდევ ერთხელ ხაზი გავუსვა, რომ აქ, ამ შეხვედრაზე ჩვენ ამაზე არ გვისაუბრია, მე უბრალოდ წინა კომენტარშიც ვთქვი, რომ ეს ზოგადად ოპოზიციის მხრიდან უკვე იყო წარდგენილი ეს საკითხი, სამწუხაროდ, ამაზეც უარი მოვისმინეთ ქართული ოცნების მხრიდან. დღეს არის სხვა გარემოება, სხვა დონის და სხვა ლეველის ასე ვთქვათ ჩართულობა ამ პროცესში, ყველა პასუხისმგებლობით უნდა მოვეკიდოთ, ჩვენს ვალდებულებებს", — განაცხადა მან ჟურნალისტებთან.

მანვე აღნშნა, რომ თუ საჭირო იქნება, ბრიუსელშიც ჩავა და იქაც მიიღებს მონაწილეობას მოლაპარაკებებში.

"თუ ბრიუსელში იქნება ჩასვლა საჭირო, მზად ვართ, რომ იქაც მივიღოთ მონაწილეობა და მე შემიძლიავ თქვა, რომ ეს არის უპრეცენდენტო შემთხვევა და იმედი მაქვს, რომ კონკრეტული შედეგით დასრულდება" — განაცხადა მან.

ევროპული საბჭოს პრეზიდენტის, შარლ მიშელის ინიციატივით, დღეს პრეზიდენტის ადმინისტრაციაში ოპოზიციის ლიდერები პრემიერმინისტრ ირაკლი ღარიბაშვილს შეხვდნენ.

გაიგეთ მეტი: