ევროპარლამენტარის, ანდრიუს კუბილიუსის განაცხადებით, საქართველო სიმართლის მხარესაა, რუსეთი კი პასუხისმგებელია იმაზე, რაც გააკეთა. ასე შეაფასა მან ტელეკომპანია ფორმულასთან ადამიანის უფლებათა ევროპული სასამართლოს გადაწყვეტილება, რომლის თანახმადაც, აგვისტოს 2008 წლის ომზე საქართველოს ყველა ძირითადი სარჩელი დაკმაყოფილდა.

"პირველ რიგში, ვულოცავ საქართველოს ხელისუფლებას და მათ, ვინც საქართველოს წარმოადგენდა და მაოხერხა დაერწმუნებინა სასამართლო ამ საქმესთან დაკავშირებით. ჩვენ ყველამ ვიცით, რომ საქართველო სიმართლის მხარესაა, რუსეთი კი პასუხისმგებელია იმაზე, რაც გააკეთა. თუმცა ამის სასამართლოში დამტკიცება ძალიან მნიშვნელოვანია.

წასაკითხად ეს ძალიან დიდი საქმეა და დრო სჭირდება. რა თქმა უნდა, რა შედეგი მოყვა ამ ყველაფერს. აიძულებენ თუ არა რუსეთს, შეასრულოს სასამართლოს გადაწყვეტილება. ვიცით, რომ რუსეთში პუტინია, მისი რეჟიმისგან იმის მოლოდინი, რომ გადაწყვეტილებას შეასრულებს, გულუბრყვილობა იქნებოდა, თუმცა გადაწყვეტილება გადაწყვეტილებაა. დარწმუნებული ვარ, პუტინი რუსეთს სამუდამოდ ვერ მართავს, დარწმუნებული ვარ, ოდესმე იქ დემოკრატიის დრო მოვა და მაშინ ეს გადაწყვეტილება ძალიან მნიშვნელოვანი იქნება", — განაცხადა მან. [ფორმულას თარგმანი].

ადამიანის უფლებათა ევროპული სასამართლოს დიდმა პალატამ აგვისტოს 2008 წლის ომზე საქართველოს ძირითადი სარჩელი დააკმაყოფილა. კერძოდ, სტრასბურგის სასამართლო გაიზიარა საქართველოს პოზიცია და ქართველი სამხედრო ტყვეებისა და სამოქალაქო პირების მიმართ ჩადენილი წამების, არადამიანური და ღირსების შემლახველი მოპყრობისთვის (კონვენციის მე-3 მუხლი) რუსეთი დაადანაშაულა. სასამართლოს დიდმა პალატამ, ომის დროს საქართველოს მოქალაქეთა მკვლელობების გამოუძიებლობისთვის რუსეთის პასუხისმგებლობა დაადგინა.

საქართველოს იუსტიციის სამინისტროს განცხადებით, ამ და სხვა დარღევევების აღიარებით, 2008 წლის აგვისტოს ომის დროს რუსეთის მიერ ქართველების წინააღმდეგ განხორციელებული ეთნიკური წმენდა დასტურდება.

გაიგეთ მეტი: