ცნობილი პორნოსაიტი Pornhub მხოლოდ პორნოებზე გაჩერებას არ აპირებს და თავის მაყურებელს ახალ სერვისს სთავაზობს. ამერიკული პორნოგიგანტი საზოგადოების სექსუალურ განათლებასა და ჯანმრთელობაზე იწყებს ზრუნვას.

ოთხშაბათს Pornhub-მა თავის 70-მილიონიან აუდიტორიას ახალი ვებგვერდი წარუდგინა. "ყველაფერი, რისი ცოდნაც გინდოდათ სექსის შესახებ და პორნოებიდან ვერ სწავლობდით" - ამ სათაურით დაანონსდა ახალი პროექტი. საგანმანათლებლო პლატფორმა მომხმარებლებს ჯანმრთელი სექსუალური ცხოვრების წესის შესახებ მიაწვდის ინფორმაციას. მათ შორის იქნება რჩევები იმის შესახებ, თუ როგორ დავიცვათ თავი დაავადებებისგან, როგორ წარვმართოთ სექსუალური ურთიერთობები და მრავალი სხვა.

Pornhub-მა ფსიქოლოგიის დოქტორი ლაურა ბეტიტო დაიქირავა, რომელიც პერმანენტულად ჩაწერს ვიდეოებს და მომხმარებლებს გაუზიარებს.

ვიდეოების თემატიკა მრავალფეროვანი იქნება. მაგალითად, პირველი საგანმანათლებლო ვიდეოპოსტის თემაა "როგორ იბადებიან ბავშვები".

ყველა სიკეთესთან ერთად, აღნიშნული ვებგვერდი ინტერაქტიულია: ნებისმიერ მომხმარებელს შეუძლია დასვას კითხვები, რომლებსაც დოქტორი ბეტიტო უპასუხებს.