პარლამენტმა ერთხმად მიიღო კანონი, რითაც მთავრობას 6 თვით 2021 წლის 1 ივლისამდე გაუხანგრძლივდა ვადა პანდემიის პირობებში საგანგებო მდგომარეობის გარეშე გაატაროს შესაბამისი ზომები.

"კანონი, რომელიც აქამდე მოქმედებდა, მისი მოქმედების ვადა 2021 წლის 1 იანვრამდეა. ეს იყო საკანონმდებლო ინიციატივა, რომელიც წინა პარლამენტმა მიიღო, რომ მთავრობას ჰქონოდა საშუალება ემართა სწორად კრიზისი, მაგრამ დღეს ჩვენ გვიწევს ისევ შემოვიდეთ ინიციატივით და ინიციატორები ისევ არიან ექიმები, ჯანდაცვის კომიტეტი, რომ გავაგრძელოთ ვადა მისი მოქმედების კიდევ 6 თვით, რომ არ დარჩეს ცარიელი სივრცე, რამეთუ, კიდევ ერთხელ ვიმეორებ, რეალობა არის ის, რომ მთელს მსოფლიოსთან ერთად ჩვენ გვიწევს ისევ პანდემიის რეჟიმში ცხოვრება და კრიზისს სჭირდება სწორად მართვა", — განაცხადა პლენარულ სხდომაზე კანონპროექტის ინიციატორმა, ჯანდაცვის კომიტეტის თავმჯდომარეს, დიმიტრი ხუნდაძემ.