საქართველოს პრემიერმინისტრის, გიორგი გახარიას თქმით, ერთჯერადი სოციალური დახმარების მისაღებად მთავრობას უკვე 65 000-ზე მეტმა ადამიანმა მიმართა, საიდანაც 54 000 უკვე დაკმაყოფილებულია. ამის შესახებ მან მთავრობის სხდომის დაწყების წინ ისაუბრა.

"მოგეხსენებათ, რომ 28 ნოემბერს დაწყებული მიზნობრივი შეზღუდვების საპასუხოდ საქართველოს მთავრობამ გამოაცხადა მე-4 ტალღა საქართველოს მოქალაქეების მიზნობრივი სოციალური მხარდაჭერისთვის, ვგულისხმობ ერთჯერად 300 ლარიან დახმარებას. დღეის მდგომარეობით, მიღებულია 65 000-ზე მეტი განაცხადი, საიდანაც 54 000 განაცხადი უკვე დაკმაყოფილებულია და, რა თქმა უნდა, ახალ წლამდე ყველა განაცხადს დავაკმაყოფილოთ", — განაცხადა გახარიამ.

მას შემდეგ, რაც საკოორდინაციო საბჭომ ახალი შეზღუდვები დააწესა, შეიზღუდა საცალო ვაჭრობა, ბაზრობები, მოლები, მაღაზიები,დაიწყო სოციალურ-მიზნობრივ დახმარების მეორე ტალღა, რომელიც იმათთვის, ვინც ამ შეზღუდვების გამო, სამსახური დაკარგა, ერთჯერად 300 ლარიან დახმარებას გულისხმობს