ქართული ოცნების აღმასრულებელმა მდივანმა, ირაკლი კობახიძემ განაცხადა, რომ სააკაშვილის ამოცანა დესტრუქციაა და მისი ორივე პარტია ამ პროცესების შემდეგ ქართული პოლიტიკიდა და საპარლამენტო სივრციდან გაქრება.

"სააკაშვილი, ბუნებრივია, იქნება კმაყოფილი იქიდან გამომდინარე, რომ მისი ერთადერთი ამოცანა არის დესტრუქცია და თავის გვარამიასთან და ბოკერიასთან ერთად აეყირავებინა მოლაპარაკების მაგიდა. ის შეიძლება იყოს კმაყოფილი, მაგრამ ამ პროცესის დასასრული იქნება ისეთი, რომელიც ნამდვილად არ დააკმაყოფილებს მიხეილ სააკაშვილს. მისი ორივე პარტია — ნაციონალური მოძრაობა და ევროპული საქართველო ქართული პოლიტიკიდან და საპარლამენტო სივრციდან გაქრება", — განაცხადა კობახიძემ.

საქართველო მესამე პრეზიდენტმა მიხეილ სააკაშვილმა დღეს განაცხადა, რომ დღევანდელი დღე არის ქართველი ხალხის გამარჯვება, რადგან ოპოზიციამ მოახერხა ერთობის შენარჩუნება. ამის შესახებ ის სოციალურ ქსელში ვიდეო მიმართვას ავრცელებს.