ქართლი ოცნების წევრის გია ვოლსკის თქმით, ოპოზიცია მოდის შანტაჟზე, როდესაც ამბობს, რომ თუ არ დამთანხმდები კოვიდსაც გავავრცელებ და ეკონომიკურ პრობლემებსაც შევქმნიო. ამის შესახებ მან პალიტრანიუსის ეთერში განაცხადა.

"წითელი ხაზი სადაც არის, იქ დარჩება, შანტაჟზე მოდიხარ, როდესაც ამბობ, თუ არ დამთანხმდები კოვიდსაც გავავრცელებ, ეკონომიკურ პრობლემებსაც შევქმნი და ქვეყნის ინტერესებს დააზიანებო. პოზიციისათვის სერიოზული გამოწვევაა, რომ ასეთი ძლიერი მხარდაჭერა გამოხატა დასავლეთმა, ნატომ და სერიოზულ ფრუსტაციაში არიან. ახლა უნდათ იქეთ, ამ ბოსტნიდან იმ ბოსტანში გადაიტანონ", — განაცხადა ვოლსკიმ.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.