გერმანიის ფედერალურმა პოლიციამ საქსონიის რეგიონში ქართველები დააკავა, რომლებსაც სერიულ ძარცვაში ედებათ ბრალი.

ადგილობრივი მედიის ცნობით, სამართალდამცველებმა 30-ზე მეტი საცხოვრებელი სახლი დრეზდენსა და ლაიფციგში გაჩხრიკეს. სპეცოპერაციის დროს საქართველოს მოქალაქეებთან ერთან დააკავეს ლატვისა და ვიეტნამის მოქალაქეებიც.

დაკავებულები დევნილის სტატუსით იმყოფებოდნენ და ძირითადად სავაჭრო ცენტრებს ძარცვავდნენ. პოლიციამ მოპარულ საქონელს შორის აღმოაჩინა ალკოჰოლი, თამბაქო, მაღალი ხარისხის კოსმეტიკური საშუალებები და ბავშვის საკვები პროდუქტები. საერთო ჯამში, მათი ღირებულება რამდენიმე ასეულ ევროს შეადგენდა.

გერმანული მედიის ინფორმაციით, 26-დან 38 წლამდე ასაკის საქართველოს 10 მოქალაქის სასამართლო დღეს ან ხვალ გაიმართება.