აშშ-ს პირველი ლედი, მელანია ტრამპი საპრეზიდენტო არჩევნების შედეგებს პირველად გამოეხმაურა. როგორც მან ტვიტერზე დაწერა, მოსახლეობა სამართლიან არჩევნებს იმსახურებს და ყველა ხმა უნდა დაითვალონ.

"ამერიკელი ხალხი სამართლიან არჩევნებს იმსახურებს. ყოველი ლეგალური — არალეგალური ხმა — უნდა იქნას დათვლილი. ჩვენ უნდა დავიცვათ ჩვენი დემოკრატია აბსოლუტური გამჭვირვალობით", — დაწერა მელანია ტრამპმა ტვიტერზე.

წინასწარი მონაცემებით, ჯო ბაიდენი აშშ-ის 46-ე პრეზიდენტი გახდა, კამალა ჰარისი კი აშშ-ს ისტორიაში პირველი ვიცე-პრეზიდენტი ქალია. ბაიდენს გამარჯვება მიულოცა არაერთმა მსოფლიო ლიდერმა და ის არჩეულ პრეზიდენტად მოიხსენია. ამის ფონზე ტრამპი თავს გამარჯვებულად მიიჩნევს და შედეგებს არ აღიარებს.

დონალდ ტრამპი გახდა პირველი პრეზიდენტი 1992 წლის შემდეგ, რომელიც ამერიკელმა ხალხმა ხელმეორედ აღარ აირჩია.

გაიგეთ მეტი ჯო ბაიდენზე: