გირჩის ერთ-ერთი ლიდერის, ზურაბ ჯაფარიძის თქმით, ქართული ოცნება ოპოზიციას "ეღლაბუცება", ხან თავხედურად, ხან ცინიკურად. ამის შესახებ გირჩის ლიდერმა TV პირველთან მიცემულ ინტერვიუში ისაუბრა.

"ქართული ოცნება არაფერზე არ არის თანახმა, გვეღლაბუცებიან, ხან თავხედურად, ხან ცინიკურად. რაღაცებზე ლაპარაკობენ, თუმცა ამ წუთში არაფერზე არანაირი მზაობა მათი მხრიდან არ ჩანს — შესაბამისად, ბოიკოტი იქნება", — ამბობს ჯაფარიძე.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.