საქართველოში გაეროს წარმომადგენლობამ მთავრობასთან პარტნიორობით, 2021-2025 წლების გაეროს მდგრადი განვითარების თანამშრომლობის ჩარჩო-დოკუმენტის განიხილა. კვლევის მიხედვით, ქვეყანაში არსებული ძირითადი გამოწვევებია:

  • სიღარიბის მაღალი მაჩვენებელი და შემოსავლების უთანასწორობა;
  • სივრცობრივი და სოციალური დაყოფა;
  • კონფლიქტის შედეგად ადგილნაცვალი მოსახლეობა;
  • მოსახლეობის დაბერება და მისი კლება;
  • სამართლის ხელმისაწვდომობა დისკრიმინაციის გარეშე და კორუფციის სრულად დაძლევა;
  • კლიმატის ცვლილება და გარემოს მართვა;
  • ადამიანური კაპიტალის განვითარება: უნარების განვითარება;
  • სოციალური შეჭიდულობისა და ნდობის ნაკლებობა;
  • მონაცემებზე დაფუძნებული გადაწყვეტილებების მიღების და პოლიტიკის
    თავსებადობის ნაკლებობა;
  • Covid-19-ის უარყოფითი გავლენა განვითარებაზე.

ორგანიზაციის განმარტებით, ჩარჩო-დოკუმენტის მიზანი 2025 წლისათვის საქართველოში ადამიანების კეთილდღეობის, შესაძლებლობებისა და სოციალური თანასწორობის გაუმჯობესებაა.

გრძელვადიან შედეგებში 2025 წლისათვის:

  • საქართველოში მცხოვრებ ყველა ადამიანს უნდა ჰქონდეს შესაძლებლობა ისარგებლოს გაუმჯობესებული კარგი მმართველობით, მეტად ღია და ანგარიშვალდებული ინსტიტუციებით, კანონის უზენაესობით, თანაბარი ხელმისაწვდომობით სამართალზე, ადამიანის უფლებები და ქალების გაზრდილი წარმომადგენლობა და მონაწილეობა გადაწყვეტილების მიღებაში;
  • საქართველოში მცხოვრებ ყველა ადამიანს უნდა ჰქონდეს თანასწორი და ინკლუზიური ხელმისაწვდომობა ხარისხიან, გენდერულად სენსიტიურ სერვისებზე, რომელიც საერთაშორისო ადამიანის უფლებების სტანდარტით ხორციელდება.
  • საქართველოში მცხოვრები ყველა ადამიანი დისკრიმანიციის გარეშე უნდა სარგებლობდეს მდგრადი, ინკლუზიური ეკონომიკით;
  • კონფლიქტით დაზარალებული თემები უნდა სარგებლობდნენ გაუმჯობესებული ადამიანის უსაფრთხოებით.

გადაწყვეტილების მიმღები და თანმშრომლობის ჩარჩო დოკუმენტის მაკოორდინერებელი ერთეული გაეროს ერთიანი გუნდია. სწორედ ის აფასებს მიღწეულ შედეგებს და ერთობლივი სამეთვალყურეო საბჭოს ფორმატში ანგარიშვალდებულია საქართველოს მთავრობასთან.