"დღეს ვეუბნებოდი რიგით ფერმერებს, ადგილობრივ ხელისუფლებას თუ ხედავთ არ აქტიურობენ, აი, მოკიდეთ ხელი და შეაჯანჯღარეთ", — განაცხადა საქართველოს პრემიერმინისტრმა, გიორგი გახარიამ ზუგდიდში, "თხილობა 2020"-ის ფესტივალზე სიტყვით გამოსვლისას.

გახარიას თქმით, მიუხედავად პანდემიისა, სასოფლო სამეურნეო პროდუქტების ექსპორტი იზრდება, ამიტომ ადგილობრივი ხელისუფლებაც "სრულ მსახურებაში" უნდა იყოს ფერმერებთან.

"შედეგი თხილის დარგში დღეს სახეზეა და თითოეულ ფერმერს შეუძლია, ამით იამაყოს. გისურვებთ, რომ უახლოეს 3-5 წელიწადში თხილის ექსპორტი საქართველოდან გაგვეორმაგებინოს", — აცხადებს გახარია.