ევროპული საქართველოს მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, თელავის მაცხოვრებლებს შეხვდა და მათი პრობლემები მოისმინა.

ზურაბ ჭიაბერაშვილის თქმით, დღეს როგორც თელავში, ისე მთლიან კახეთში მოსახლეობას აწუხებს უმუშევრობა, ფასების ზრდა, წყალმომარაგება და ინფრასტრუქტურული პრობლემები.

ზურაბ ჭიაბერაშვილმა აღნიშნა, რომ მას და ევროპულ საქართველოს აქვს კონკრეტული გეგმა, თუ როგორ შეიძლება ამ ადამიანების ცხოვრებაში და მთლიან კახეთში გარდამტეხი ცვლილებები მოხდეს.

როგორც ჭიაბერაშვილმა აღნიშნა, ბიუროკრატიული ხარჯებისა და გადასახადების შემცირებით, სახელმწიფო ქონებაში არსებული მიწების ხალხისთვის გადაცემით, ყოველ ოჯახს დარჩება მეტი ფული.